NA MURADI KA YE AALAM

Na muradi ka ye aalam bhi to ai dil na rahey
Ab to ham tarq e ta'alluq k bhi qabil na rahey

Aaj usney sharaf e ham safari bakhsha tha
Istarah se k mujhe khahish e manzil na rahey

Samney tu ho to so khahishe'n jaag uthh ti hain
Kash ab k meri aankho'n mai mera dil na rahey

AUR HONGEY K JO AAINA SIFAT JEETEY HAIN
MAIN TO MAR JAO'ON AGAR KOI MUQABIL NA RAHEY

Jo bhi ho saheb e mehfil yahi kehta hai "Faraz"
Wo jo uthh jaye jo mehfil se to mehfil na rahey

Posted in: GHAZAL